SEYMUR QULİYEV

Biznes və marketinq sahəsində 20 ilə yaxın iş və tədris təcrübəsi olan mütəxəssisimiz Böyük Britaniyada yerləşən və professional marketoloqların ən böyük birliyi olan Kral Marketinq İnstitutunun (CİM) və Beynəlxalq İdarəetmə Tədqiqat Akademiyasının (IMRA) üzvü və China-USA Business Review və Chinese Business Review jurnallarında redaktor və rəyçilər qrupunun üzvüdür. Bakalavr təhsilini Qafqaz Universitetində Biznes İdarəetməsi üzrə alan mütəxəssisimiz təhsilinə Şotlandiyanın Stirlinq Universitetində magistr pilləsində davam etmişdir. Hal-hazırda Azərbaycan Dövlət Neft və Sənaye Universitetində Sahə İqtisadiyyatı üzrə fəlsəfə elmləri doktoru adına namizəddir. İş həyatına “AzMarketinq” şirkətində marketinq meneceri kimi başalayan Seymur Quliyev sonradan “Mətanət A” şirkətlər qrupunda Marketinq Araşdırmaları şöbəsinin rəhbəri, Azərbaycan Respublikası Dövlət Neft Şirkətinin əvvəlcə Xam Neft və Neft Məhsulları İxracatı şöbəsində ixrac marketinqi mütəxəssisi, ardınca Marketinq şöbəsində baş marketinq mütəxəssisi və baş ixrac marketinqi mütəxəssisi vəzifələrini icra etmiş, ölkəmizdə və onun hüdudlarından kənarda 20-dən çox seminar və konfransda iştirak etmişdir. Hal-hazırda Azərbaycan Respublikası Dövlət Neft Şirkətinin (SOCAR) Strateji İnkişaf Şöbəsində Baş Biznes Analitik, Azərbaycan Dövlət İqtisad Universitetində və Beynəlxalq İqtisadiyyat Məktəbi (ISE) Sabah qruplarında Marketinq İdarəetməsi və Azərbaycan Dövlət Neft və Sənaye Universitetində Biznes və Marketinq üzrə mühazirəçidir.