Xəbərlər

Mingəçevir KOBİM tərəfindən KOB subyektləri üçün "Qiymət strategiyaları" mövzusunda maarifləndirici onlayn təlim keçirilib.

Mingəçevir KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Dekabrın 13-də Mingəçevir KOBİM tərəfindən Mingəçevir, Bərdə və Tərtər şəhərlərində fəaliyyət göstərən sahibkarlar və biznesə yeni başlamaq istəyənlər üçün "Qiymət strategiyaları" mövzusunda növbəti maarifləndirici təlim keçirilib. Təlimdə 5 nəfər sahibkar iştirak edib. Mingəçevir KOBİM-in peşəkar eksperti qiymət strategiyasının biznesdə əhəmiyyəti barədə danışıb, qiymət təyin etmə yanaşması, əsas qiymət strategiyaları və strategiyaya təsir edən amillər barədə geniş məlumat verib. Qeyd edək ki, Mingəçevir KOBİM tərəfindən göstərilən bütün xidmətlər ödənişsizdir.