Xəbərlər

Rəqəmsal marketinq mövzusunda maarifləndirici təlim keçirilib.

Mingəçevir KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Oktyabrın 19-da Mingəçevir KOBİM tərəfindən Mingəçevir şəhərində fəaliyyət göstərən sahibkarlar və biznesə yeni başlamaq istəyənlər üçün "Rəqəmsal marketinq" mövzusunda növbəti maarifləndirici təlim keçirilib. Təlimdə 6 nəfər sahibkar iştirak edib. Mingəçevir KOBİM-in peşəkar eksperti rəqəmsal marketinqin bizneslər üçün faydaları haqqında danışıb, hədəf kütləsinin düzgün təyin edilməsi və sosial şəbəkələr vasitəsilə ona çatmağın və satışları artırmağın yolları barədə məlumat verib. Daha sonra təlim iştirakçıları ilə sual-cavab və fikir mübadiləsi aparılıb. Qeyd edək ki, Mingəçevir KOBİM tərəfindən göstərilən bütün xidmətlər ödənişsizdir.