Xəbərlər

"Sahibkarlar üçün SMM" mövzusunda maarifləndirici təlim keçirilib.

Mingəçevir KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Dekabrın 10-da Mingəçevir KOBİM tərəfindən Mingəçevir şəhərində fəaliyyət göstərən sahibkarlar və biznesə yeni başlamaq istəyənlər üçün "Sahibkarlar üçün SMM" mövzusunda növbəti maarifləndirici təlim keçirilib. Təlimlərdə 5 nəfər sahibkar iştirak edib. Mingəçevir KOBİM-in peşəkar eksperti sosial media platformaları və onların biznes üçün əhəmiyyəti barədə danışıb, SMM kampaniyasının məqsədləri, hədəf auditoriyasının təyin edilməsi, məzmunun növləri, kontent planın hazırlanması, paylaşımların edilməsi və nəticələrin təhlili barəsində ətraflı məlumat verib. Qeyd edək ki, Mingəçevir KOBİM tərəfindən göstərilən bütün xidmətlər ödənişsizdir.