Xəbərlər

"Təchizatın idarə olunması" mövzusunda maarifləndirici onlayn təlim keçirilib.

Mingəçevir KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 26-da Mingəçevir KOBİM tərəfindən Mingəçevir, Bərdə və Tərtər şəhərlərində fəaliyyət göstərən sahibkarlar və biznesə yeni başlamaq istəyənlər üçün "Təchizatın idarə olunması" mövzusunda növbəti maarifləndirici təlim keçirilib. Təlimdə 7 nəfər sahibkar iştirak edib. Mingəçevir KOBİM-in peşəkar eksperti təchizat zənciri anlayışı və strukturu, onun biznesdə rolu və əhəmiyyəti barədə danışıb, təchizatın planlanması, idarəetmə modelləri, satınalma prosesinin mərhələləri, satınalma strategiyaları, təchizat zəncirində risklərin təhlili və idarəedilməsi və alternativ təchizat mənbələrinin yaradılması haqqında ətraflı məlumat verib. Qeyd edək ki, Mingəçevir KOBİM tərəfindən göstərilən bütün xidmətlər ödənişsizdir.