Məlum olduğu kimi, mikro, kiçik və orta sahibkarlıq subyektləri və onların idarəediciləri, ev təsərrüfatları və yeni biznesə başlamaq istəyənlərin (startapçılar, o cümlədən tələbələrin) inkişafı üçün hər zaman professional dəstək və məsləhət xidmətinə sahib olmaq çox vacibdir. Bu dəstək xidməti biznesini daimi doğru istiqamətdə olmasına köməklik göstərəcəkdir. KOB inkişaf mərkəzlərimiz bu sahədə sizə tam ödənişsiz şəkildə aşağıdakı dəstək xidmətləri təklif edir: Maliyyə resurslarına çıxışa dəstək və mentorluq; Satış kanallarına çıxışa dəstək və digər şəbəkələşmə xidmətləri; KOB-lar arasında əlaqələrin qurulması və inkişafına dəstək; Startapların yaradılmasına dəstək və məsləhət xidmətləri (inkubasiya, akselerasiya) və s .